"Azərqarant Sığorta" ASC on altı ildən çoxdur ki, Azərbaycanın sığorta bazarında sabit fəaliyyət göstərir və dinamik olaraq inkişaf edir. Əsası 1993-cü ilin 04 iyun tarixində qoyulmuş "Şərqə Qapı Sığorta" MMC-nin hüquqi varisi olan Cəmiyyət hazırda Azərbaycan Respublikası Maliyyə Nazirliyi tərəfindən verilmiş 018934 saylı, 22.04.2008-ci il tarixli müddətsiz Lisenziya əsasında sığortanın 21 könüllü və 3 icbari növü üzrə fəaliyyət göstərir. Əmlakın yanğın və digər əlavə risklərdən icbari və könüllü sığortası, nəqliyyat vasitələrinin sığortası, fərdi qəza sığortası, tibbi sığorta, xaricə gedən şəxslərin tibbi xərclərinin sığortası, yük sığortası, mülki məsuliyyət sığortası, maliyyə risklərinin sığortası Cəmiyyətin fəaliyyətində prioritet sahələrdəndir. "Azərqarant Sığorta" ASC 2008-ci ilin nəticələrinə görə ən yaxşı əmlak sığortaçısı kimi "İlin Brendi Milli Mükafatı"nın qalibi olmuşdur. Onun ödənilmiş nizamnamə kapitalı 1 700 000 manat təşkil edir. Cəmiyyətdə optimal idarəetmə modeli mövcuddur və satış sistemində ən yeni texnologiyalar tətbiq olunur.